निजी आवास पुनर्निर्माण गर्न अर्थले गर्यो ३ अर्ब निकासा
निजी आवास पुनर्निर्माण गर्न अर्थले गर्यो ३ अर्ब निकासा
३० माघ, काठमाडौं । भूकम्पबाट क्षतिग्रस्त निजी आवास पुनर्निर्माण गर्न अर्थ मन्त्रालयले ३ अर्ब रुपैयाँ निकासा गरेको छ ।
बुधबार उपप्रधान एवं अर्थमन्त्री विष्णु पौडेल र गृहमन्त्री रमेश लेखकबीच निजी आवास सहित अन्य भौतिक संरचना पुनर्निर्माण व्यवस्थित रूपमा अगाडि बढाउने बारे छलफल भएको छ ।
त्यसपछि मन्त्रालयले ३ अर्ब रुपैयाँ निकासा गरेको अर्थमन्त्री पौडेलको सचिवालयले जनाएको छ ।
एक वर्षअघि पश्चिम नेपालमा गएको भूकम्प र यस वर्ष मनसुनका कारण घरबार गुमाएका नागरिकको आवास पुनर्निर्माणमा भइरहेको ढिलाइका कारण सरकारको आलोचना भइरहेको छ ।
प्रतिक्रिया दिनुहोस्