कैलाली, २ कात्तिक (रासस) : बाढीका कारण नदीको बीच टापुमा फसेका दुईजनाको आज सकुशल उद्धार गरिएको छ ।

गोदावरी नगरपालिका–८ स्याउलेस्थित खुटिया खोलामा बालुवा, ढुङ्गा निकाल्न गएका सोही नगरपालिका–९ बल्मीका मानबहादुर थापा र निजकी श्रीमती रेबु थापालाई सकुशल उद्धार गरिएको जिल्ला प्रहरी कार्यालय कैलालीका प्रहरी नायब उपरीक्षक प्रतीक विष्टले जानकारी दिनुभयो ।

नदीको बीच टापुमा फसेका थापा दम्पतीलाई इलाका प्रहरी कार्यालय मालाखेती र सशस्त्र प्रहरी बल नं ४७ गण बनबेहडाबाट संयुक्त रुपमा प्रहरी टोली खटी निजहरुको सकुशल उद्धार गरिएको बताइएको छ । –––