२१ पुस, ललितपुर । ललितपुरको धोविघाटस्थित कवाडी गोदाममा आगलागी हुँदा करिव ७ लाखको क्षति भएको छ। 

बिहीबार बिहान साढे १० बजे ललितपुर महानगरपालिका-३ धोविघाट करिडोरमा भारतीय नागरिक कृष्ण कोदारले सञ्चालन गरिरहेको कवाडी गोदाममा आगलागी भएको थियो। 

आगलागीका कारण करिव ७ लाखको क्षति भएको ललितपुर प्रहरी परिसरका प्रवक्ता प्रवीण पोखरेलले बताए ।  आगलागीको सुचना पाएको दुई घण्टाभित्र आगालागी नियन्त्रणमा लिइएको उनले बताए।

विद्युत सर्ट भइ आगो लागेको प्रहरीको प्रारम्भिक अनुमान छ। आगलागीका कारण मानवीय क्षति भने भएको छैन।