देशभरका १८ उच्च अदालतमा कानुन व्यवसायीको धर्ना
८ मंसिर, काठमाडौं । प्रधानन्यायाधीश चोलेन्द्रशमशेर जबराको राजीनामा माग गर्दै कानुन व्यवसायीहरुले बुधबार देशभरका १८ वटा उच्च अदालतमा धर्ना दिएका छन्।
उनीहरुले बुधबार बिहान कार्यालय समयमा धर्ना दिएका हुन् । बार विगत एक महिनादेखि प्रधानन्यायाधीशको बर्खास्तीको माग गर्दै आन्दोलनमा छ ।
यसअघि बारले राजनीतिक दलका नेताहरुलाई प्रधानन्यायाधीशमाथि १७ बुँदे आरोपत्र लगाउँदै ज्ञापनपत्र बुझाइसकेको छ।
बारसहित विभिन्न पेशागत संगठनहरुले भोलि (बिहीबार) सर्वोच्च अदालतदेखि बालुवाटारसम्म मार्च पास गर्ने भएको छ।
प्रतिक्रिया दिनुहोस्