भारतीय जनता पार्टी निदाउन सकेको छैन । उसले प्रत्येक हप्ता विरोधको सामना गर्नुपरेको छ र विरोधीहरूको भूतले उसलाई सताइरहेकै छ । दिल्ली, बङ्गाल, गुजरात, मध्य प्रदेशजस्ता प्रत्येक राज्यका सहरहरूमा प्रहरीले गल्लीगल्लीमा गस्ती गरिरहेको छ र युवाहरूलाई आँखाले सुँघिरहेको छ ।

दिल्लीको हाल भने झनै बेहाल छ । दिल्ली पुलिस सडकमा हिँड्दै गरेका प्रत्येक कदमहरूलाई कतै खतरा त होइन भनी लख काट्दै निगरानी गरिरहेको छ । कतै ती कदमहरू जन्तरमन्तरतिर त मोडिने होइनन् भनी आशङ्का छ । यतिबेला प्रत्येक व्यक्ति सरकारका लागि सम्भावित प्रदर्शनकारी हो ।

दिल्लीलाई सैन्य अखाडामा परिणत गरिसकिएको छ । पश्चिम बङ्गाल, जम्मु–कश्मीर र छत्तीसगढदेखिका रिजर्भ पुलिसका जवानहरूलाई हवाईजहाजबाट दिल्ली ल्याइएको छ । झन्डै २० हजार प्यारामिलिट्री फोर्सका जवान दिल्लीमा तैनात गरिएको छ र थप १२ हजार दिल्ली पुलिसका जवानहरूलाई दिल्लीमा खटाइएको छ ।