२४ असार, काठमाडौं । शुक्रबार थप ९८ जनामा कोरोना भाइरस संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घन्टामा २१५४ नमूनाको परीक्षण भएकोमा ९८ नमूनाको रिपोर्ट पोजिटिभ आएको हो।

मन्त्रालयका अनुसार १ हजार ६१ नमूनाको पीसीआरबाट ८३ जना र १ हजार ९३ नमूनाको एन्टीजेनबाट परीक्षणमा १५ जनामा कोरोना संक्रमण पुष्टि भएको हो । 

कोरोनाका कारण शुक्रबार कसैको मृत्यु नभएको स्वास्थ्य मन्त्रालयले जनाएको छ । 

त्यस्तै, आज थप २७ संक्रमित निको भएका छन्। 

हाल नेपालमा ५ सय ६४ सक्रिय संक्रमित रहेको मन्त्रालयले जनाएको छ । 

पछिल्लो २४ घन्टामा ६२ हजार ९७१ जनाले कोरोनाविरुद्धको खोप लगाएका छन्।