१७ असोज, चितवन । नारायणगढ –मुग्लिन सडक खण्ड अन्तरगत चितवनको भरतपुर महानगरपालिका २९ सत्रकिलोबाट त्रिशुली नदीमा कार खस्दा दुई जना सामान्य घाइते भएका छन् ।

जिल्ला प्रहरी कार्यालय चितवनका अनुसार पोखराबाट झापा तर्फ जादैँ गरेको बा १०च ५४४५ नं. को कार आज विहान ७ः १० बजे आँफै अनियन्त्रित भई त्रिशुली नदिमा खस्दा कार चालक झापा दमक नगरपालिका ३ बस्ने बर्ष ५२ को लिला भट्राराई ,कारमा सवार उनकी श्रीमती बर्ष ४० की देउकला दाहाल समान्य घाइते भएका हुन् ।

कार त्रिशुली नदिमा बेपत्ता भएको र खोजी कार्य भइरहेको जिल्ला प्रहरी कार्यालय चितवनका प्रवक्ता डिएसपी विजयराज पण्डितले बताउनुभयो ।