टिकटक वनाउदा चिप्लिएर एक युवा कुपिण्डे तालमा बेपत्ता
१० साउन, सल्यान । सल्यानमा टिकटक बनाउने क्रममा चिप्लिएर लड्दा एक युवा कुपिण्डे तालमा बेपत्ता भएका छन् ।
कपुरकोट गाउँपालिका ६ सिनवाङ घर भई हाल दाङ तुलसीपुर उपमहानगरपालिका ६ बस्ने अन्दाजी ३७ वर्षको बेद बहादुर बस्नेतले वेपत्ता हुनुभएको प्रहरीले जनाएको छ ।
आज दिउँसो साथीहरुसँग तालको छेउमा टिकटक बनाई रहेको अवस्था चिप्लिदा बनगाड कुपिण्डे नगरपालिका ९ मा रहेको कुपिण्डे तालमा डुबेर वेपत्ता भएको जिल्ला प्रहरी कार्यालय सल्यानले जनाएको छ ।
वेपत्ता खोजी कार्य भइरहेको जिल्ला प्रहरी कार्यालय सल्यानका प्रहरी प्रमुख सुमित खड्काले जानकारी दिनु भयो । उहाका अनुसार खोजीका लागि आवश्यक जनशक्ति परिचालन गरिएको छ ।
प्रतिक्रिया दिनुहोस्