झापामा हरिण मारेको आरोपमा दुई पक्राउ
झापा । झापामा हरिण मारेको आरोपमा दुई जना पक्राउ परेका छन् ।
प्रहरीले झापाको कचनकवल गाउँपालिका—३ बाट हरिणको छालासहित उनीहरुलाई पक्राउ गरेको हो ।
पक्राउ पर्नेमा स्थानीयवासी ४० वर्षीय लुखिराम हास्दा र २४ वर्षीय समन टुडु रहेका छन्।
पक्राउ परेका दुवै जनाले आठ जनाको समूह मिलेर सोमबार अभिमुक्तेश्वर सामुदायिक वनमा हरिण मारेर खाएको प्रहरी समक्ष बयान दिएका छन् ।
हरिण मारेर घरमा छाला सुकाइरहेको खबर पाएपछि पथरिया प्रहरी चौकीबाट खटिएको प्रहरी टोलीले हास्दा र टुडुलाई पक्राउ गरेको हो ।
सो घटनामा संलग्न अन्य व्यक्ति फरार रहेका छन् । उनीहरुको खोजी भइरहेको छ ।
पक्राउ परेका दुबै जनालाई डिभिजन वन कार्यालयको जिम्मा लगाइएको छ ।
प्रतिक्रिया दिनुहोस्