झगडाको क्रममा कोदालोको बिँडले हान्दा ८९ वर्षीय वृद्धको मृत्यु
९ मंसिर, मकवानपुर । मकवानपुरको थाहा नगरपालिका–१२ गैरीगाउँमा बिहीबार झगडाको क्रममा कोदालोको बिँडले हान्दा ८९ वर्षीय वृद्धको मृत्यु भएको छ ।
गैरीगाउँ बस्ने ३५ वर्षीय टाइसन गोले र सोही स्थानका ८९ वर्षीय आइतसिंह स्याङ्तानबीच आपसमा भनाभन भई झगडा भएको थियो ।
झगडाको क्रममा टाइसन गोलेले कोदालोको बिँडले आइतसिंह स्याङ्तानको टाउकोमा हानी गम्भीर घाइते बनाएका थिए ।
ट्रमा सेन्टर काठमाडौंमा उपचारका लागि लगिएकोमा उनको मृत्यु भएको हो । कुटपिट गर्ने टाइसन गोलेलाई प्रहरीले नियन्त्रणमा लिई अनुसन्धान भइरहेको प्रहरीले जनाएको छ ।
प्रतिक्रिया दिनुहोस्