चेल्सी फिफा क्लब विश्वकपको अन्तिम १६ मा
News Summary
Generated by OK AI. Editorially reviewed.
- चेल्सी फिफा क्लब विश्वकपको अन्तिम १६ मा प्रवेश गरेको छ।
- पहिलो हाफमा चेल्सीले २-० को अग्रता बनायो, र टाइरिक जर्जले अन्तिम समयमा गोल गरे।
- चेल्सीले ६ अंकसहित समूह उपविजेता बनेर अन्तिम १६ मा प्रवेश गर्यो र बेनफिकासँग प्रतिस्पर्धा गर्नेछ।
११ असार, काठमाडौं । इंग्लिस क्लब चेल्सी फिफा क्लब विश्वकप फुटबलको अन्तिम १६ मा प्रवेश गरेको छ । बुधबार विहान भएको समूह डी को खेलमा ट्युनिसियाको एसपेरेन्सलाई हराउँदै चेल्सी समूह उपविजेता बन्यो ।
एसपेरेन्समाथि चेल्सीले ३-० को जित हासिल गर्यो । चेल्सीको जितमा पहिलो हाफको इन्जुरी समयमा टोसिन अदाराबियोले गोल गरेका थिए भने लगत्तै इन्जुरी समयमै लियाम डेलापले गोल गरेपछि पहिलो हाफमा २-० को अग्रता बनायो ।
त्यसपछि दोस्रो हाफको इन्जुरी समयको सातौं मिनेटमा टाइरिक जर्जले गोल गरेपछि चेल्सी ३-० ले विजयी भयो ।
यसै समूहको अर्को खेलमा फ्लामेंगोले लस एनजलस एफसीसँग १-१ गोलको बराबरी खेल्यो । यसअघि चेल्सीमाथि जित निकालेको फ्लामेंगो ७ अंकसहित शीर्षमा रहेर अन्तिम १६ मा छनोट भइसकेको थियो ।
चेल्सीको ३ खेलमा ६ अंक भयो भने एसपेरेन्स ३ र लस एनजलस १ अंकमा सीमित रहेर बाहिरिए ।
अर्को सातादेखि सुरु हुने अन्तिम १६ मा चेल्सीले बेनफिकासँग खेल्ने छ भने फ्लामेंगोले बायर्न म्युनिखसँग खेल्नेछ ।
प्रतिक्रिया दिनुहोस्