२९ माघ, झापा । झापाको एक चाउचाउ उद्योगमा भीषण आगलागी भएको छ । मेचीनगर नगरपालिका वडा नं. १४ दुहागढीस्थित मगमग चाउचाउ कारखानामा आज विहान करिब ४ः३० बजेदेखि आगलागी भएको जिल्ला प्रहरी कार्यालय झापाले जनाएको छ ।

आगलागी निभाउनका लागि झापा, मोरङ, इलाम र सुनसरी जिल्लाका दर्जनबढी दमकल प्रयोग भइरहेको जिल्ला प्रहरी कार्यालय झापाका प्रवक्ता डिएसपी बसन्त पाठकले जानकारी दिए । उनका अनुसार आगलागी नियन्त्रणमा प्रयास जारी रहे पनि अझै सफल हुन नसकिरहेको बताए ।

केही दिन अघि मेचीनगर ६ काँकरभिट्टाको एसएस फुटवेयरमा भएको भीषण आगलागीमा साढे आठ करोड बढीको क्षति भएको थियो ।