गायिका मञ्जु पौडेलको होली विशेष नयाँ गीत सार्वजनिक
गायिका मञ्जु पौडेलले होली पर्वको अवसर पारेर होली विशेष गीत सार्वजनिक गरेकी छिन् । आफ्नै युट्युब च्यानलबाट उनले नयाँ गीत ‘पर्व होली’ सार्वजनिक गरेकी हुन्।
हरेक पर्व र उत्सवहरुमा त्यससँग सम्बन्धित गीतहरु प्रस्तुत गर्दै आएकी मञ्जुले यसपटक नयाँ शैलीको होली गीत ल्याएकी हुन् । लामो समयको अन्तरालपछि यस गीतमा उनले छोरी स्नेहालाई अभिनयमा फर्काएकी छिन् ।
अभिनयमा स्नेहालाई नायक प्रज्वल सुजल गिरीले साथ दिएका छन् भने अनुस्का अधिकारीलाई आर्शु महर्जनले साथ दिएका छन्।
गीतमा मञ्जुकै शब्द रहेको छ । गायनमा भने मञ्जुलाई निरज श्रेष्ठले साथ दिएका छन् । गीतको संगीत, एरेन्ज र मिक्सिङ पनि निरज श्रेष्ठकै छ ।
गीतको भिडियोमा निर्देशन र छायांकन दुर्गा पौडेलले गरेका छन् भने कोरियोग्राफी राजाराम सिम्खडाले गरेका छन्।
प्रतिक्रिया दिनुहोस्