२५ माघ, काठमाडौं । सूर्यबिनायक नगरपालिका –९ पलासेस्थित सडकमा प्रदेश २–००१ च ०४११ नम्बरको गाडीले लु.८८ प ६२०८ नम्बरको  मोटरसाइकललाई मंगलबार ठक्कर दिँदा मोटरसाइकल चालकको मृत्यु भएको छ ।

काभ्रे बनेपा नगरपालिका–७ बस्ने १९ वर्षीय आयुष न्यौपानेको ठक्करबाट मृत्यु भएको प्रहरीले जनाएको छ ।

बा.२ ख ६६६९ नम्बरको बसलाई ओभरटेक गर्नेक्रममा गाडीले मोटरसाइकललाई ठक्कर दिँदा गम्भीर घाइते भएका उनको मध्यपुर अस्पताल ठिमीमा उपचारको क्रममा मृत्यु भएको हो ।

प्रहरीले बस र गाडी चालकलाई नियन्त्रणमा लिनुका साथै दुर्घटनाका सम्बन्धमा आवश्यक अनुसन्धान गरिरहेको जनाएको छ ।