कैलालीमा आगलागी हुँदा ६० लाखको क्षति
२३ पुस, धनगढी । कैलालीको धनगढी उपमहानगरपालिका–१९, फूलबारीस्थित एक पसलमा आगलागी भएको छ । नगेन्द्र चौधरीको घरमा लक्ष्मण चौधरीले सञ्चालन गरेको स्पर्श सपिङ सेन्टरमा आगलागी भएको हो ।
गए राति करिब २ बजेतिर आगलागी भएको कैलाली प्रहरी प्रवक्ता बेदप्रकाश जोशीले जानकारी दिए ।
आगलागीबाट करिब ६० लाख रुपैयाँबराबरको क्षति भएको बताइएको छ । दमकलको सहायतामा प्रहरी र स्थानीयले आगो निभाएका थिए ।
आगलागीबाट पसलभित्र रहेको लत्ताकपडा, अरू सामान जलेर नष्ट भएको छ । आगलागीको कारण खुल्न नसकेको र थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस्