‘गेम अफ थ्रोन्स’ अभिनेत्रीको आरोप– लागुऔषध दिएर धेरैपटक बलात्कार गरे

काठमाडौं । हलिउडको चर्चित टीभी सिरिज ‘गेम अफ थ्रोन्स’की अभिनेत्री एज्मी बीआनकोले अमेरिकी गायक मेर्लिन मेन्सनविरुद्ध बलात्कारको आरोप लगाएकी छिन् ।

अभिनेत्री एज्मीका अनुसार सन् २०११ मा गायक मेर्लिनले उनलाई लागुऔषध खुवाएर शारीरिक र मानसिक यातना दिएका थिए । उनले गायकविरुद्ध लिखित उजुरी दर्ता गराएकी छिन् ।

अमेरिकामा काम मिलाइदिने झुटो आश्वासनमा मेर्लिनले आफूमाथि शारीरिक सम्बन्ध राख्ने गरेको र पछि उनले मन्जुरीबिना बलात्कार गर्न थालेको उनको आरोप छ । एज्मीले ‘गेम अफ थ्रोन्स’मा रासको भूमिका निभाएकी थिइन् ।

गायक मेर्लिन विरुद्ध उनीलगायत अरु १५ जना महिलाहरुले पनि यौनशोषण र कुटपिटको आरोप लगाएका छन् ।

श्रोत: ईन्टरनेट बाट ।