फ्रन्टलाइन खेल । नेपाली राष्ट्रिय फुटबल टोलीका कप्तान एवम् गोलरक्षक किरण चेम्जोङलाई नेपाल सुपर लिग (एनएसएल) को टोली धनगढी फुटबल क्लबले आइकोनिक खेलाडीको रूपमा अनुबन्ध गरेको छ ।

काठमाण्डौमा बिहीवार धनगढी फुटबल क्लबले एक कार्यक्रमको आयोजना गरेर राष्ट्रिय टोलीका कप्तान किरणलाई आइकोनिक खेलाडीको रूपमा नियुक्त गरेको हो । नेपालमा पहिलो पटक आयोजना हुन लागेको फ्रेन्चाइज फुटबल लिग वैशाख ११ गतेदेखि दशरथ रङ्गशालामा हुँदैछ । एनएसएलका लागि धनगढीले हाइ प्रोफाइल फुटबलर किरणलाई आइकोनिक प्लेयरको रूपमा अनुबन्ध गरेको हो ।