काभ्रे र धादिङमा सवारी दुर्घटना, दुईजनाको मृत्यु
१ मंसिर, काठमाडौं । काभ्रे र धादिङमा सवारी दुर्घटनामा दुईजनाको मृत्यु भएको छ ।
काभ्रे, रोशी गाउँपालिका–११ पिप्लेस्थित सडकमा बा३७प ७१२७ नम्बरको मोटरसाइकल र प्रदेश ३–०१–०२४ च ८६३७ नम्बरको बोलेरो गाडी आपसमा ठोक्कीदा मोटरसाइकल चालक सिन्धुली दुधौली नगरपालिका–५ बस्ने ३६ वर्षीय श्याम बहादुर बोलनको मृत्यु भएको हो ।
दुर्घटनामा गम्भीर घाइते भएका उनको धुलिखेल अस्पतालमा उपचारको क्रममा मृत्यु भएको हो । बोलेरो चालकलाई प्रहरीले नियन्त्रणमा लिएको छ ।
यस्तै, धादिङको बेनिघाट रोराङ गाउँपालिका–७ कृष्णभिरस्थित सडकमा एनएल०१एन ०४३८ नम्बरको ग्यास बुलेटले वाग्मती प्र०२०२८प ६५४६ नम्बरको स्कुटरलाई ठक्कर दिँदा स्कुटरमा सवार काठमाडौं मनमैजु बस्ने ५० वर्षीया शिरकुमारी गुरुङको मृत्यु भएको छ ।
दुर्घटनामा गम्भीर घाइते भएकी उनको गजुरी अस्पतालमा उपचारको क्रममा मृत्यु भएको हो । दुर्घटनामा घाइते भएकी स्कुटर चालकको सोही अस्पतालमा उपचार भइरहेको छ ।
हाल फरार ग्यास बुलेट चालकको प्रहरीले खोजी गरिरहेको छ भने ग्यास बुलेट नियन्त्रणमा लिएको छ ।
प्रतिक्रिया दिनुहोस्