जिल्लाको दुई पालिकामा भारत सरकारको आर्थिक सहयोगमा विद्यालयको निर्माण कार्य सुरु भएको छ । रोशी गाउँपालिका वडा नं ६ स्थित श्री हरिसिद्धि माध्यमिक विद्यालय र महाभारत गाउँपालिका वडा नं ३ स्थित श्री सिद्देश्वर माध्यमिक विद्यालयको पुनर्निर्माणका लागि भूमि पूजा सम्पन्न भएको छ । राष्ट्रिय पुनर्निर्माण प्राधिकरणका सचिव मणिराम गेलाल, भारतीय राजदूतावासको राजनीतिक प्रभागकी प्रथम सचिव सौम्या सी, संबिधास सभा सांसद तिर्थ लामा, रोशी गाउँपालिकाका अध्यक्ष डि.बि. लामा, महाभारत गाउँपालिकाका अध्यक्ष कान्छालाल जिम्बाको उपस्थितिमा भूमि पूजा सम्पन्न भएको हो ।

श्री हरिसिद्धि माध्यमिक विद्यालयको तीन तल्ले नयाँ संरचनामा ९ वटा कक्षा कोठा, प्रयोगशाला, पुस्तकालय र विद्यार्थीहरूका लागि छुट्टाछुट्टै सरसफाई संरचनाको सुविधा हुनेछ । त्यस्तै, श्री सिद्देश्वर माध्यमिक विद्यालयको तीन तल्ले नयाँ संरचनामा १३ वटा कक्षा कोठा, लेखा, प्रधानाध्यापक र अध्यापकका लागि कक्ष, परीक्षा कक्ष, प्रारम्भिक बाल विकास कक्ष, प्रशासनिक कक्ष, विद्यालय व्यवस्थापन समिति कक्ष र छात्र तथा छात्राका लागि छुट्टाछुट्टै सरसफाई संरचनाको सुविधा हुनेछ ।