कांग्रेसकाे निर्वाचन समितिको बैठक जारी
४ पुस, काठमाडौं । नेपाली कांग्रेसले संसदीय दलको नेता चयनका लागि आज (साेमबार) मिति तोक्ने भएको छ ।
संसदीय दलको नेता चयनका लागि आइतबार गठन गरिएको निर्वाचन समितिको बैठक अहिले जारी रहेकाे छ । सोही बैठकले संसदीय दलको नेता चयनका लागि निर्वाचनको मिति तोक्ने भएकाे छ ।
कांग्रेस कार्य सम्पादन समितिको आइतबार बसेको बैठले सहमहामन्त्री भीष्मराज आङदम्बेको नेतृत्वमा ३ सदस्यीय समिति बनाएको थियो ।
मंगलबार वा ढिलोमा बुधबारसम्ममा संसदीय दलको नेता चयनका लागि निर्वाचन गर्ने तयारीमा कांग्रेस रहेको बुझिएको छ ।
कांग्रेसमा संसदीय दलको नेता बन्न आधा दर्जन बढी नेताहरुले आकांक्षा देखाएका छन् ।
प्रतिक्रिया दिनुहोस्