२४ चैत्र, विदुर । नुवाकोट स्थानीय निर्वाचनको मिति नजिकिए सँगै नुवाकोट स्थानीय निर्वाचनको मिति नजिकिए ककनी गाउँपालिकामा चुनवी सरगर्मी बढदै गएको छ ।

प्रमुखत नेपाली काग्रेस, नेकपा एमाले, नेकपा माओवादी केन्द्र, एकीकृत समाजवादी र राप्रपा चुनावी मैदानमा भिडने छन् ।

बिगतमा गुमेको साखं फर्काउन यसपाली नेपाली काँग्रेस कम्मर कसेर लागेको छ । नुवाकोटको ककनी गाउँपालिकामा काँग्रेस प्रतिशपर्धामा आफुलाई बलियो जनमतमा उभ्याउने कसरतमा छ ।

बिगतमा माओवादी केन्द्रले जितेको ककनीमा यस पटक काँग्रेसले लोकप्रिय मत हासिल गरी बिजय हुने दाउमा रहेको सहजै अनुमान गर्न सकिन्छ ।

यद्यपि गठबन्धनको तालमेलले टिकट कस्ले पाउने भन्ने कौतहलता पनि आम कार्यकर्तामा छ ।

गठबन्धनले कार्यकर्ताको उत्साहमा कमी मात्र ल्याएको छैन, ठूलै हलचल पैदा गरेको छ । यसै मेसोमा चैत्र २१ गते नेपाली काग्रेसको ककनी गापा स्तरीय बैठक गापा कार्यलय रानिपौवामा बसी गठबन्धनमा नजाने निर्णय गरेको अध्यक्ष भाग्यश्री लामा बताउछन ।

बैठक भाग्यश्री लामाको अध्यक्षतामा बसेको थियो । उनका अनुसार यो पटक आँकाक्षीहरु पनि बढेका छन् ।

ऋषि कुमार तमाङ्ग, भाग्यश्री लामा, नवराज घिमिरे श्रीरा ढुङ्गाना, दीपेश लामा बिष्णु गुरुङ्ग, र राजन नेगी लगायतका आकाक्षी रहेको बुझिएको छ।

आकाक्षीहरु 

ऋषि कुमार तमाङ्ग

तमाङ्ग, पेशाले पर्यटन ब्यवसायी हुन् । उनी बिगत लामो समयदेखि पर्यटन क्षेत्रका साथै समाजसेवामा पनि उत्तिकै सक्रिय छन ।

नेपाली काँग्रेसको माहाधिबेसन प्रतिनिधी तथा माहासमिति सदस्य समेत भइसकेका तमाङ्ग १४औं माहाधिबेसनमा क्षेत्र नं १ प्रदेस (ख) का सभापतिका प्रत्यासी पनि हुन ।

उमेरले ५० टेकेका तमाङ्ग बाँकी जीवन जनताकै सेवामा बिताउने प्रणका साथ पार्टीमा क्रियासिल रहने बताउछन । उनी नेपाली काँग्रेसका नेता केसी प्यानल निकट मानिन्छन्।

भाग्यश्री लामा

लामा, जनजाती सघं नुवाकोटका अध्यक्ष छन् । मिलनसार ब्यवहार र सरल ब्यक्त्तिो लामा नेपाली काँग्रेस ककनी गापा सभापति पनि हुन ।

१२औ माहाधिवेसनको माहासमिति सदस्य समेत भएका लामा ४६ को जनआन्दोलनका घाइते पनि हुन । उनीपनि केसी प्यानलक नेता मानिन्छन् ।

नवराज घिमिरे

घिमिरे, ककनीका युवा नेतामा परिचित नाम हो । नेपाली काँग्रेस नुवाकोटका जिल्ला कार्यसमिती सदस्य रहेका घिमिरे प्रकाश शरण महत निकट नेता मानिन्छन् ।

श्रीरा ढुङ्गाना

ककनीको पुराना इमान्दार नेताका रुपमा परिचित छन्, ढुङ्गाना । १४औं माहाधिबेसनमा उनी केदी्रय माहाधिबेशन प्रतिनिधिका प्रत्यासी थिए । उनी पनि हाल केसी प्यानल निकट नै मानिदै आएका छन् ।

दिपेश लामा

महत खेमाकै मानिएका लामा, पेशाको हिसाबले निर्माण ब्यवसायी हुन । यसअघिको स्थानीय निर्वाचनमा अध्यक्षका प्रत्यासी लामा हाल जिल्ला कार्यसमिति सदस्य हुन।

विष्णु गुरुङ्ग

नुवाकोटका स्थानीय लोकप्रिय नेताका रुपमा परीचित नेता गुरुङ काग्रेसको १३औं माहाधिवेशनमा जिल्ला कार्यसमिति सदस्य बनेका थिए । काँग्रेस नेता गुरुङ्ग १४औ महाधिवेशनमा भने क्षेत्रिय प्रतिनिधि बनेका थिए । उनी पनि केसी प्यानल सगं नजिक रहेको बुझिन्छ ।

राजन नेगी

अध्यक्षका अर्का प्रत्यासी नेगी पेशाले कृषि कार्यमा आबद्ध छन । नेपाली काग्रेसको १४औ महाधिवेशनमा नेगी क्षेत्रिय प्रतिनिधि बनेका थिए । उनी पनि नेता केसी निकट नै मानिदै आएका नेता हुनभ् ।