मेवालाल यादव 

काठमाडौं, २१ चैत । जनमत पार्टीका अध्यक्ष डा.सिके राउतले प्रधानमन्त्रीसमेत रहेका नेकपा (एमाले) का अध्यक्ष केपी शर्मा ओली, माओवादी केन्द्रका अध्यक्ष पुष्पकमल दाहाल ‘प्रचण्ड’ र कांग्रेस सभापति शेरबहादुर देउवाको शासन आफूहरुको लागि कुनै तानाशाही राजतन्त्रको भन्दा फरक नरहेको बताएका छन् । काठमाडौं ब्यांकेट नयाँ बानेश्वरमा मधेस केन्द्रित दलहरूले संघीय लोकतान्त्रिक मोर्चा घोषणा गरेका छन्।आज (बिहीबार) सात दलीय संघीय लोकतान्त्रिक मोर्चाको घोषणा सभालाई सम्बोधन गर्दै उनले मुलुकमा संघीय लोकतान्त्रिक गणतन्त्रमा गइसकेको भए पनि उत्पीडित वर्गको दृष्टिकोणबाट कुनै फरक नरहेको बताएका हुन् । उनले संघीय लोकतान्त्रिक गणतन्त्रको १७ वर्षमा ओली देउवा र दाहालले घुमिफिरी शासन सञ्चालन गरेको र एकल शासन सिंहदरबारमा केन्द्रीत गरेर उनीहरुले संघीयतालाई अगाडि बढाउनै नचाहेको डा.राउतको आरोप छ ।

‘हामी भन्नलाई भन्छौं– संघीय लोकतान्त्रिक गणतन्त्र आइसक्यो । तर, उत्पीडित वर्गको दृष्टिकोणबाट के फरक छ ? हामीले १७ वर्षसम्म हेर्यौं– त्यही ओली, दाहाल र देउवाजी । घुमिफिरी १७ वर्षमा त तीन चार वटा राजा पनि हेरिसक्थ्यौं हामीले । ज्ञानेन्द्र हेर्थ्यौं होला, पारस हेर्थ्यौं होला, हृदयन्द्र हेर्थ्यौं होला । हाम्रो लागि यो पनि कुनै राजतन्त्रको तानाशाही भन्दा फरक छैन । त्यही राजाहरु घुमिफिरी आइराखेका छन्,’– उनले भने।सो मोर्चामा 

जनमत पार्टीको अध्यक्ष सिके राउत , जसपा नेपालका अध्यक्ष उपेन्द्र यादव , जनता प्रगतिशील पार्टीका अध्यक्ष हृदयेश त्रिपाठी, लोकतान्त्रिक समाजवादी पार्टी नेपालका अध्यक्ष बरिस्ठ उपाध्यक्ष सबेन्द्रलाल सुख्ला , 

 , राष्ट्रिय मुक्ति पार्टी, नेपालका अध्यक्ष राजेन्द्र महतो, बिखेशचन्द्र लाल लगायत रेसम चौधरीको उन्मुक्ति पार्टीको उपाध्यक्ष सहभागी रहेकोे थियो ।