नेकपा एमाले प्रवेश गरेका चार जना माओवादी केन्द्रका मन्त्रीहरुको सांसद पद गुमेको छ।

प्रतिनिधिसभाको बिहीबारको बैठकमा सभामुख अग्‍निप्रसाद सापकोटाले त्यससम्बन्धी सूचना पढेर सुनाएका हुन्।

माले प्रवेश गरेका कैलाली-४ का लेखराज भट्ट,, अर्घाखाँचीका टोपबहादुर रायमाझी, रौतहट-३ का प्रभु साह र कैलाली-३ का गौरीशंकर चौधरीको सांसद पद खोसिएको हो।

गत फागुन २३ गते सर्वोच्च अदातले माओवादी केन्द्र र एमालेलाई पहिल्यकै अवस्थामा ब्यूइँताइदिएपछि नेकपा विभाजित भएको थियो । दुवै दल आ-आफ्नो कित्तामा फर्किए पनि चार नेताले सरकार नछाेडेपछि कारवाहीमा परेका हुन् । दुवै दलले पार्टी परित्याग गरी अर्को दलमा प्रवेश गरेका आफ्ना नेताहरुलाई कारवाही अगाडि बढाएका छन्। सोहीअनुरुप माओवादी केन्द्रले पनि यी चार मन्त्रीहरुको सांसद पद खोसेको हो।