एमबाप्पेको दुई गोलमा पिएसजीको जित

२७ मंसिर, एजेन्सी ।  लिग वानमा पेरिस सेन्ट जर्मेन (पिएसजी)ले सहज जित निकालेको छ । गएराति भएको खेलमा पिएसजीले मोनाकोलाई २–० ले पराजित गरेको हो ।

पिएसजीलाई सहज जित दिलाउनका लागि दुवै गोल केलियन एमबाप्पेले गरे । खेलको १२औं मिनेटमा एमबाप्पेको पेनाल्टी गोलबाट घरेलु टोलीले अग्रता लिएको थियो ।

frontline

पेनाल्टी बक्समा एन्जल डि मारियालाई डिजव्रिल सिडिवेले फउल गरेपछि रेफ्रीले भिएआरको सहायता लिँदै पिएसजीलाई पेनाल्टी दिएको थियो ।
४५औं मिनेटमा केलियन एमबाप्पेले गोल गर्दै पिएसजीको अग्रता दोब्बर पारे । उनले लियोनेल मेस्सीको पासमा गोल गरेका थिए ।

दोस्रो हाफमा दुवै टोलीबाट थप गोल हुन नसक्दा खेल पिएसजीले जित्यो ।

यो जितसँगै शीर्षस्थानमा रहेको पिएसजीको १८ खेलबाट ४५ अंक पुगेको छ । पराजित मोनाको २६ अंक जोडेर आठौं स्थानमा रहेको छ ।

प्रतिक्रिया दिनुहोस्

ताजा समाचार

frontline
poster-here