गैर आवासीय नेपाली सङ्घ राष्ट्रिय समन्वय परिषद् (एनआरएनए एनसीसी) अमेरिकाका वर्तमान उपाध्यक्ष तथा अध्यक्षका प्रत्याशी बुद्धि सागर सुवेदीको तेस्रो चुनावी अन्तरक्रियाको कार्यक्रम मिसिगनमा आयोजना गरिएको छ ।

यस अघि सुबेदीको चुनाव प्रचार टिमले न्यु योर्क र सिकागोमा अन्तरक्रिया कार्यक्रम सम्पन्न गरेको छ । स्टेट अफ मिसिगनमा आयोजित अन्तरक्रिया चाहि तेस्रो हो । अप्रिल ४, २०२१ आइतबार दिनको ४:०० बजे सुरु सो कार्यक्रम सुरु हुने बताइएको छ ।

आफ्नो चुनावी कार्यक्रमबारे कुरा गर्दै सुवेदीले भने, चुनाव त म पक्कै जित्छु तर मैले जित्दै गर्दा मेरो एजेन्डाले पनि जित्नुपर्छ । यति मात्र होइन एनआरएनए एनसीसी अमेरिकाले पनि जित्नुपर्छ, संस्थाले जित्नुपर्छ । हामी सबै नेपाली अमेरिकन समुदायले जित्नुपर्छ ।

त्यसैले, न्यु योर्क, सिकागो र अन्य क्षेत्रबाट सिकेका, सुनेका तपाइहरूका कुराहरूलाई नै लिएर म साथीहरूसँगै मिसिगन आउँदै छु । कुरा मेरो मात्र होइन कुरा संस्था र आम नेपाली अमेरिकन समुदायको हो । यो केवल जित या हारको पनि होइन, कुरा हाम्रो अस्तित्व, नेपालीत्व, आधिकार र सन्ततिको भविष्य सम्मको कुरा छन् । ती सबै कुराको जित हुनुपर्छ, म त्यसैको लागि लागि परेको छु, अध्यक्षका उम्मेदवार सुवेदीले भने ।