एक सिंगे गैंडाको आक्रमणबाट दुई वृद्धा घाइते
५ माघ, चितवन । चितवनमा एक सिंगे गैंडाको आक्रमणबाट दुई जना वृद्धा घाइते भएका छन्।
भरतपुर-२२ पटिहानीमा आफ्नै घर अगाडि घाम तापिरहेका दुई वृद्धालाई गैंडाले आक्रमण गरेको हो।
बुधबार दिउँसो साढे ३ बजे ७० वर्षीया बुदना महतो र ८० वर्षीया धोधारी महतोलाई गैंडाले आक्रमण गरेको जिल्ला प्रहरी कार्यालयका प्रवक्ता डिएसपी नरहरि अधिकारीले जानकारी दिए।
उनीहरू दुबै जनाको चितवन मेडिकल कलेजमा उपचार भइरहेको छ।
प्रतिक्रिया दिनुहोस्