उपेन्द्र यादव र नवलकिशोर शाहद्वारा शपथ ग्रहण, कुन मन्त्री बने ?
जनता समाजवादी पार्टीका अध्यक्ष उपेन्द्र यादव उपप्रधान र स्वास्थ्य तथा जनसंख्या मन्त्री नियुक्त भएका छन् । साेहि दलका नवलकिशोर शाह वनमन्त्री बनेका हुन् । उनीहरूले आइतबार शपथ ग्रहण गरेका हुन् ।
राष्ट्रपति रामचन्द्र पौडेलले शीतल निवासमा आयोजित समारोहमा उनीहरूलाई पद तथा गोपनीयताको शपथ गराएका थिए । प्रधानमन्त्री पुष्पकमल दाहाल ‘प्रचण्ड’ ले मन्त्रिपरिषद् विस्तार गरेसँगै आज २ मन्त्री थपिएका हुन् ।
प्रचण्ड सरकारमा चारजना उपप्रधानमन्त्री नियुक्त भएका छन् । एमालेका रघुवीर महासेठ पहिलो वरीयतामा, दोस्रोमा नारायणकाजी श्रेष्ठ, तेस्रो वरीयतामा रवि लामिछाने रहेका छन् । यादव भने चाैथाे र अन्तिम वरीयतामा रहेका छन् । यी मन्त्रीहरू थपिएसँगै सरकारले पूर्णता पाएकाे छ ।
प्रतिक्रिया दिनुहोस्