२७ कार्तिक काठमाडौं । विश्वकप फुटबलको छनाेट चरणअन्तर्गत गए राति भएको खेलमा इटाली बराबरीमा रोकिएको छ । घरेलु मैदानमा भएको खेलमा इटाली स्वीट्जरल्याण्डसँग १–१ को बराबरीमा रोकिएको हो ।

अन्तिम मिनेटमा पाएको पेनाल्टी अवसर खेर फाल्दा युरो विजेता इटाली अंक बाँड्न बाध्य भयाे । ९० मिनेटमा पाएको पेनाल्टीलाई मिडफिल्डर जर्जिन्होले बाहिर प्रहार गर्दा इटाली २–१ को अग्रता बनाउन चुकेको हो । यस नतिजासँगै इटालीले सिधै विश्वपकमा छनोट हुने मौका गुमाएको छ । 

खेलमा स्वीट्जरल्याण्डले सिल्भान विडमेरको गोलबाट ११ औं मिनेटमा अग्रता बनाएको थियो । ३६ मिनेटमा जिओभानी डे लोरेन्जोले बराबरी गोल गरेका थिए । 

बराबरीपछि समूह सीमा रहेको इटालीको सात खेलबाट १५ अंक भएको छ । दोस्रो स्थानको स्वीट्जरल्याण्डको पनि १५ अंक रहेको छ ।