फ्रन्टलाइन खेल । इटालियन सिरी ए फुटबलमा रोमाले विजयी सुरुवात गरेको छ । आइतबार राति भएको खेलमा फिओरेन्टिनालाई ३–१ गोल अन्तरले पराजित गर्दै रोमाले सुखद सुरुवात गरेको हो । जोसे मोरिन्होको टिम रोमालाई जित दिलाउन जोर्डन भेरेटोउटले दुई गोल गरे। हेन्रिख मिखीतार्यानको नाममा एक गोल रह्यो ।

फिओरेन्टिनाका निकोला मिलिन्कोभिचले एक गोल फर्काए। घरेलु मैदानको जितसँगै रोमाले लिगमा सुखद सुरुवात गरेको छ । रोमाले पहिलो खेलमा ३ अंक जोडेको छ । फिओरेन्टिनाले भने हारबाट सिजनको सुरुवात गरेको छ ।