चन्दन कुमार महतो ।

जिल्लाको माधवनारायण नगरपालिका वडा नम्बर ३ स्थित सखुआवाको श्री देवि माध्यमिक बिधालयमा नगर स्तरीय वक्तित्वकला प्रतियोगिता भएको छ । माधव नारायण नगरपालिकाको नगर प्रमुख बैधनाथप्रसाद यादवको प्रमुख अतिथ्यतामा भएको प्रतियोगितामा नगरपालिकाका माध्यमिक र आधारभूत गरि ८ वटा बिधालयको छात्रा छात्रहरुको सहभागिता रहेको थियो । ‘बिधालयको वातावरणमा भुमिका’ भन्ने विषयमा भएको वक्तित्वकला प्रतियोगिता कार्यक्रमको उद्घघोषक सुस्मिता कुमारीले गरेकी थिइन् । कार्यक्रमको उद्घघाटन दुई वटा वृक्षारोपण गरि भएको थियो । सभाध्यक्ष किरणकुमारी पंडितले विश्वमा वातावरणमा परेको प्रभावलाई चित्रण गर्दै सो समस्याको न्यूनीकरण गर्न तर्फ सबैको ध्यानाकर्षण गराएकी थिइन् ।

माधव नारायण नगरपालिकाको सहयोगमा र ग्रीन भोइस एन्ड एक्शन लघु परियोजना (आर.डि.सि.) संस्थाद्वारा आयोजित नगर स्तरीय व्यक्तित्वकला प्रतियोगितामा माध्यमिक बिधालय खेसरहियाका छात्रा अमनकुमार यादव प्रथम भएको छ भने श्री देवि माध्यमिक बिधालय सखुआवाका छात्रा ललनकुमार साह दृत्य र सुहानाकुमारी पटेल तृतीय भएकी थिइन् । प्रथम, दृत्य र तृतीय हुनेलाई सम्मान स्वरूप प्रमाणपत्र र पुरस्कृत गरेका छन् भने प्रतियोगितामा सहभागी सबै छात्रा छात्राहरुलाई आर डि.सि का अध्यक्ष राहि पारस हुसैन र कोषाध्यक्ष ममता झा ले प्रमाणपत्र बितरण गरेको थियो ।