आईपीएल क्रिकेटमा आज लखनउ र मुम्बई खेल्दै
२२ चैत, काठमाडौं । भारतमा जारी इन्डियन प्रिमियर लिग (आईपीएल) क्रिकेटमा आज पनि एक खेल हुँदैछ ।
आज लखनउ सुपर जायन्ट्स र मुम्बई इन्डियन्सबीच प्रतिस्पर्धा हुनेछ । खेल बेलुका पौने ८ बजेदेखि लखनउस्थित एकना क्रिकेट रंगशालामा सुरु हुनेछ ।
लखनउ र मुम्बई दुवै टोली एकै अवस्थामा भएका टोली हुन्, अर्थात् यी दुवै टोलीले ३ खेलमा १ खेल मात्र जितेका छन् । अंकतालिकामा पनि मुम्बई छैटौं स्थानमा तथा लखनउ सातौं स्थानमा छ ।
लखनउले राम्रै प्रदर्शन गरेपनि १ खेल मात्र जितेको छ । पहिलो खेलमा दिल्ली क्यापिटल्ससँग क्लोज हार व्यहोरेको लखनउले दोस्रो खेलमा सनराइजर्स हैदराबादलाई हराउँदा तेस्रो खेलमा पञ्जाब किङ्ससँग हार बेहोरेको थियो ।
यता मुम्बईले लगातार दुई हारपछि तेस्रो खेलमा शानदार जित हात पारेको थियो । चेन्नई सुपर किङ्स र गुजरात टाइटन्ससँग पराजित भएको मुम्बईले कोलकाता नाइट राइडर्सलाई हराएको थियो ।
यस अवस्थामा दुवै टोली चौथो खेल खेल्दा दोस्रो जितको खोजीमा हुनेछन् ।
प्रतिक्रिया दिनुहोस्