१९ कात्तिक, बैतडी । अरिङ्गालको टोकाइबाट बैतडीको सिगास गाउँपालिकाका एक जनाको मृत्यु भएको छ। सिगास गाउँपालिका वडा नं ६ जडानीकोटका ३२ वर्षीय हरिभान धामीको अरिङ्गालको टोकाइबाट मृत्यु भएको हो।

उनी  कामको सिलसिलामा भारतको पिथौरागढमा बस्थे। बिहिबार साँझ उनो मृत्यु भएको हो। 

भारतको पिथौरागढ जिल्लास्थित गिरेगडा भन्ने स्थानमा अरिङ्गालले टोकेर गम्भीर घाइते बनाएका धामीको उपचारका लागि अस्पताल लैजाँदै गर्दा मृत्यु भएको मृतकका आफन्त खगेन्द्र धामीले जानकारी दिए। 

२ वर्षदेखि त्यहाँ काम गरिरहेका धामी बिहीबार साँझ खाना खाएर कोठातर्फ गइरहेका थिए। बाटोमा नै उनलाई अरिङ्गालले टोकेको थियो।  मृतक धामीको घरमा श्रीमती र दुई छोरा छन्।