२७ कार्तिक काठमाडौं । ह्यारी केनको ह्याट्रिकको सहयोगमा इंग्ल्याण्ड विश्वकप छनोटको नजिक पुगेको छ । युरोपियन क्षेत्रको छनोट अन्तर्गत गए राति भएको खेलमा इंग्ल्याण्डले अल्बानियामाथि ५–० को फराकिलो जित दर्ता गरेको छ ।

खेलको पहिलो हाफमै इंग्ल्याण्डले पाँच गोल गरेको हो । घरेलु मैदानमा भएको खेलमा इंग्ल्याण्डलाई शानदार जित दिलाउने क्रममा ह्यारी केनले ह्याट्रिक गरे ।

उनले १८, ३३ र पहिलो हाफको इन्जुरी समयमा गोल गरेका हुन् । यस्तै ९ नवौं मिनेटमा ह्यारी मागुइरी र २८ औं मिनेटमा जोर्डन हेन्डर्सनले गोल गरेका थिए । 

समूह आइको शीर्ष टिम इंग्ल्याण्डको २३ अंक छ । दोस्रो स्थानको पोल्याण्डको २० अंक छ । इंग्ल्याण्डलाई विश्वकपमा छनोट हुन गोल अन्तर नै काफी हुनेछ । उसलाई अन्तिम खेलबाट मात्रै एक अंक भए पुग्छ ।