मुम्बई(बलिउड हंगामा) । उत्कृष्ट फिल्म निर्माणको शैलीका लागि बलिउडमा चिनिएका निर्माता तथा निर्देशक सञ्जय लीला भन्सालीले हालैमात्र अभिनेत्री आलिया भट्टका साथ आफ्नो महत्वाकांक्षी फिल्म ‘गंगूबाई काठियावाडी’को सुटिङ पुरा गरेका छन् ।

यो फिल्मको सुटिङ पुरा भएसँगै उनी पाकिजा शैलीको वेब सिरिज ‘हीरा मण्डी’को निर्माणमा जुटिसकेका छन् ।

यो सिरिजबाटै उनले डिजिटल प्लेटफर्ममा पहिलोपटक पाइला चाल्दैछन् । सिरिजका लागि अभिनेत्री सोनाक्षी सिन्हा फाइनल भएकी छन् । सिरिजमा उनी एक यौनकर्मीको भूमिकामा हुनेछिन् ।

यो सिरिजका लागि भन्सालीले हुमा कुरैशीलाई यसअघि नै फाइनल गरिसकेका छन् ।

सोनाक्षी भन्दा पनि उनका पिता शत्रुघ्न सिन्हा छोरीले सञ्जयसँग काम गरोस भन्ने चाहिरहेका थिए ।

यसअघि सोनाक्षीले भन्साली प्रोडक्सनको फिल्म ‘राउडी राठौड’मा काम गरिसकेकी छन् ।

हीरा मण्डीमा सोनाक्षीको प्रमुख भूमिका हुनेछ’, सिरिज निकट स्रोतले भनेको छ ।

सिरिजमा आफ्नो भूमिकामा फिट हुनका लागि सोनाक्षीले तयारी सुरु गरिसकेकी छन् ।

उनले मुजरा(जुन न त पाकीजा जस्तो हुन्छ न त उमराव जानको जस्तै) गर्नका लागि कथक नृत्य सिक्न थालेकी छन् ।

‘भन्साली हीरा मण्डीमा संगीत र नृत्य–गायन केही फरक किसिमको होस भन्ने चाहन्छन् ।

यद्यपि हीरा मण्डी पाकीजाबाट प्रेरित हो भन्ने उनलाई थाहा छ । तर उनी यसको लुक्स पूर्ण रुपमा फरक होस् भन्ने चाहन्छन् ।

जुन कोठी संस्कृतिमा कुनै पनि फिल्ममा यसअघि देखिएको छैन’, भन्साली निकटस्थले भनेका छन् ।