सेती प्रादेशिक अस्पतालमा कोरोना संक्रमित महिलाको मृत्यु
२ फागुन, धनगढी । सेती प्रादेशिक अस्पतालमा उपचाररत कोरोना संक्रमित महिलाको मृत्यु भएको छ ।
प्रादेशिक अस्पताल मातहतको कोभिड अस्थायी अस्पतालमा उपचाररत कञ्चनपुरको दोधराचाँदनी नगरपालिका-७ की ४५ वर्षीया महिलाको आइतबार राति मृत्यु भएको हो।
सुगर र दमसम्बन्धी समस्या लिएर अस्पताल भर्ना भएकी उनलाई परीक्षण गर्दा माघ २३ गते कोरोना संक्रमण पुष्टि भएको थियो ।
उनको आईसीयूमा राखेर उपचार भइरहेकोमा आइतबार ८:४५बजे मृत्यु भएको अस्पतालले जनाएको छ ।
प्रतिक्रिया दिनुहोस्