स्थानीय बजारमा सोमबारको तुलनामा आज सुनचाँदी मूल्य केही घटेको छ। सुनको मूल्य तोलामा ३०० रुपैयाँले घटेको छ। मंगलबार बिहानदेखि घटेको मूल्यमा सुनचाँदीको कारोबार भइरहेको छ।

मंगलबार छापावाल सुन प्रतितोला १ लाख २६ हजार ४०० रुपैयाँमा खरिद–बिक्री भइरहेको नेपाल सुनचाँदी व्यवसायी महासंघले जनाएको छ। सोमबार छापावाल सुन प्रतितोला १ लाख २६ हजार ७०० रुपैयाँ थियो।

यसैगरी तेजाबी सुन भने १ लाख २५ हजार ८०० रुपैयाँमा कारोबार भइरहेको महासंघले जनाएको छ।

चाँदीको मूल्य भने तोलामा १० रुपैयाँ मात्र घटेको छ। यो प्रतितोला १ हजार ५ सय ५ रुपैयाँमा कारोबार भइरहेको छ। हिजो चाँदी प्रतितोला १ हजार ५ सय १५ रुपैयाँमा कारोबार भएको थियो।