सुनको मूल्य एकैदिन १४ सयले घट्यो
काठमाडौं । शुक्रबार एकैदिन सुनको मूल्य १४ सयले ओरालो लागेको छ ।
बिहीबार ९० हजार ५ सयमा कारोबार भएको सुनकोे मूल्य शुक्रबार एकैदिन तोलामा १ हजार ४ सयले कमी आई ८९ हजार १ सयमा कारोबार भइरहेको नेपाल सुनचाँदी व्यवसायी महासंघले जनाएको छ ।
साताभरमा सुनको मूल्य १ हजार ६ सयले कमी आएको छ । यस्तै आजै चाँदीको मूल्यमा पनि कमी आएको छ ।
बिहीबार १ हजार २ सय रुपैयाँ प्रतितोलामा कारोबार भएको चाँदीको मूल्यमा आज तोलामा ३० रुपैयाँले कमी आएकोे हो ।
शुक्रबार चाँदी तोलामा १ हजार १ सय ७० रुपैयाँ प्रतितोलामा कारोबार भइरहेको छ ।
अन्तर्राष्ट्रिय बजारमा सुनको मूल्यमा गिरावट आएसँगै नेपाली बजारमा पनि सुनको मूल्य ओरालो लागेको हो ।
अन्तर्राष्ट्रिय बजारमा यतिबेला सुन प्रतिऔन्स १७ सय ६५ डलर हाराहारीमा कारोबार भइरहेको छ ।
प्रतिक्रिया दिनुहोस्