सीतापाइलामा घरको छतबाट खस्दा युवकको मृत्यु
२८ जेठ, काठमाडौं । काठमाडौंको सीतापाइलामा आफ्नै घरको छतबाट खस्दा एक युवकको मृत्यु भएको छ ।
शनिबार दिउँसो नागार्जुन नगरपालिका ४ सीतापाइलाका ३७ वर्षका जितेन्द्र श्रेष्ठ पानी भर्ने क्रममा चिप्लेर पाँचौं तलाबाट खस्दा गम्भीर घाइते भएका थिए ।
उनलाई उपचारका लागि सीतापाइलाको शुभेच्छा अस्पताल लगिएको र अस्पतालले मृत घोषणा गरेको जिल्ला प्रहरी परिसर काठमाडौंका एसपी दिनेशराज मैनालीले जानकारी दिए ।
प्रतिक्रिया दिनुहोस्