सुरेश यादव,परासी

पश्चिम नवलपरासीको रामग्राम नगरपालिका एक श्रीमानले आफ्नै श्रीमतिको हत्या गरि फरार भएकालाई सोमबार तीन दिन पछि प्रहरीले पक्राउ गरेको छ । वडा नं १६ सबुनी स्थित वर्ष ३० कि ललिता कँहारलाई उनकै श्रीमान जोखन कँहारले शुक्रबार राति ११:३० बजेको घाँटी र कोखामा धारिलो हतियार चक्कु प्रहार हत्या गरेर फरार रहेको कँहारलाई खोजतलास गर्दा आज पाल्हिनन्दन ६ पडरी स्थित नेपाल भारत सिमानामा लुकिछिपी बसेको अवस्थामा प्रहरीले पक्राउ गरेको छ ।

पक्राउ परेका कँहारलाई जिल्ला प्रहरी कार्यालय पश्चिम नवलपरासीले जिल्ला अदालत परासीबाट पाँच दिनको म्याद थप गरि थप अनुसन्धान भईरहेको सुचना अधिकारी प्रहरी निरीक्षक सुदर्शन पन्थीले जानकारी दिनुभयो । मृतक ललिता र प्रतिवादी जोखन बिच ८ वर्ष पहिला विवाह भई २ छोराहरुको जायजन्म भएकोमा श्रीमान र श्रीमती बिच बादबिवाद हुदा करिव ६ महिना अगाडि मृतक ललिता माईती घर भारत जिल्ला महाराजगन्जको निपनिया बस्दै आएकी थिन् ।

मृतकको श्रीमान यहि बैशाख १७ सोमबारको दिन ससुराली घर गई आफ्ना सासू ससुरा र श्रीमतीलाई आफू सुध्रिने र घरमा मिलेर बस्ने कुरामा विश्वास दिलाए पछि ललिता श्रीमान संगै आफ्नो ससुराली घर आएपछि शुक्रबार राति ११:३० बजेको समयमा आफू सुत्ने कोठामा निज कँहारले आफ्नो श्रीमती ललिताको धारिलो हतियारले हत्याा गरि फरार रहेका आज पक्राउ परेको जिल्ला प्रहरी कार्यालयका सुचना अधिकारी पन्थीले अधिकारी पन्थीले बताउनुभयो ।