काठमाडौं । वेष्ट इन्डिजले अष्ट्रेलियासँगको टी–२० सिरिज ४–१ ले आफ्नो पक्षमा पारेको छ । शनिबार भएको पाँचौँ खेलमा अष्ट्रेलियालाई १६ रनले पराजित गरेको हो ।

वेष्ट इन्डिजले दिएको २ सय रनको लक्ष्य पछ्याउने क्रममा अष्ट्रेलियाले ९ विकेटको क्षतिमा १ सय ८३ रन मात्र बनाउन सक्यो ।

जितसँगै वेष्ट इन्डिजले ५ खेलको टी–२० सिरिजमा ४–१ ले कब्जा जमाएको छ ।

यसअघि भएको पहिलो, दोस्रो र तेस्रो खेलमा वेष्ट इन्डिजले क्रमशः १८ रन, ५६ रन र ६ विकेटले विजयी भएको थियो भने चौथो खेलमा अष्ट्रेलियाले ४ रनका सान्त्वना जित हासिल गरेको थियो ।