वरिष्ठ नेता पौडेलको सभापति देउवामाथि आक्रोश
सोमबार, काठमाडौं । नेपाली कांग्रेसका वरिष्ठ नेता रामचन्द्र पौडेलले सभापित शेरबहादुर देउवामाथि आक्रोश पोखेका छन्।
सामाजिक सञ्जालमार्फत पौडेलले महाधिवेशन गर्न नसकेको भन्दै देउवाको कडा टिप्पणी गरेका छन्।
पार्टी विधानअनुसार हरेक चार वर्षमा गरिसक्नु पर्ने महाधिवेशन थपिएको साढे एक वर्ष वितिसक्दा पनि हुन नसकेको भन्दै नेता पौडेलले नेतृत्वको चरम लापरबाही र असफलता भएको बताएका हुन्।
नेतृत्वले नै नेपाली कांग्रेसलाई निर्वाचन आयोगसँग भिख माग्ने निरीह अवस्थामा पु¥याएको उनको टिप्पणी छ।
‘यहाँभन्दा वर्तमान नेतृत्वको चरम असफलता र लापरबाही अरु के हुन्छ?’ पौडेलले भनेका छन्, ‘यो देशकै विडम्बना हो। सर्वत्र असफल व्यक्तिहरु बारम्बार सत्ता समाल्न पुग्छन्।’
प्रतिक्रिया दिनुहोस्