२३ माघ, नयाँ दिल्ली ।  भारतले यु–१९ विश्वकप क्रिकेटमा इंग्ल्याण्डलाई ४ विकेटले पराजित गर्दै उपाधि जितेको छ। 

पहिला राज बावा र रवि कुमारको उत्कृष्ट बलिङ र त्यसपछि उपकप्तान शेख रसिद, अलराउन्डर राज बाबा र निशान सिन्धुको बलियो ब्याटिङमा भारतले इंग्ल्याण्डलाई  जितेको हो। 

पहिले ब्याटिङ गरेको इंग्ल्याण्डले १८९ रन बनाएको थियो । जवाफमा भारतका उपकप्तान राशिद र निशान्त सिन्धुको अर्धशतकको मद्दतले भारतले इंग्ल्याण्डलाई चार विकेटले पराजित गरेको थियो ।

म्यान अफ द म्याच राज अंगद बावाले पहिले ५ विकेट लिए र त्यसपछि ३५ रनको इनिङ्स खेले ।

योसँगै इंग्ल्याण्डको २४ वर्षपछि यु–१९ विश्वकप जित्ने सपना पूरा हुन सकेन। यश धुल यू–१९ विश्वकप ट्रफीमा भारतको नाम अंकित गर्ने पाँचौं भारतीय कप्तान बने ।

यश धुलअघि विराट कोहली, मोहम्मद कैफ, उन्मुक्त चन्द र पृथ्वी शाले पनि भारतका लागि यू–१९ क्रिकेट विश्वकप जितेका छन्। 

सर भिभियन रिचर्ड्स क्रिकेट स्टेडियममा खेलिएको फाइनलमा भारतीय इनिङ्सको सुरुवात राम्रो हुन सकेको थिए। पहिलो विकेट शून्यमा खसेको थियो ।

यसपछि उपकप्तान राशिद अर्धशतक (५० रन) बनाए । उनले हरनुस सिंहसँग दोस्रो विकेटका लागि ४९ रन जोडे र अर्धशतक पूरा गरेपछि तेस्रो विकेटका रूपमा आउट भए। दोस्रो ओपनर हरनूर सिंहले २१ रन बनाए।

उपकप्तान शेख रसिद आउट भएपछि दुई रन मात्र बनाएर कप्तान यश धुल पनि आउट भए । अष्ट्रेलियाविरुद्धको सेमिफाइनलमा शतक प्रहार गरेका कप्तान धुलले फाइनलमा १७ रन बनाएका थिए ।

चौथो खेलाडीका रुपमा धुल आउट नभएसम्म भारतीय टोलीले ९७ रन बनाएको थियो ।

कप्तान र उपकप्तान दुवै प्याभिलियन फर्किएपछि फाइनल खेलमा धर्ना दिने राज बावा र निशान्त सिन्धुले पाँचौं विकेट (६७ रन) लिएर अर्धशतकीय साझेदारी गरे । राज बावाले अमूल्य ३५ रन बनाए ।

राज बावा आउट भएपछि निशान्त सिन्धुले अर्धशतक पूरा गर्दै भारतलाई जित दिलाए । बीबीसी हिन्दीबाट