भत्तपुरको चाँगुनारायण नगरपालिका सुशासनलाई पादर्शी वनाउन स्मार्ट प्रविधिबाट डिजिटल प्रोफाइल तयार गर्ने र स्मार्ट सेवा सुविधा दिने लागि परेको छ । 

भक्तपुरको चाँगुनारायण नगरपालिकाले स्मार्ट पालिका नामको संस्थासँग सहकार्यमा गरी स्मार्ट पालिकामा आधारित डिजिटल प्रोफाइल र स्मार्ट मोबाईल एप्स तयार गर्न शुुरु गरेको छ। २०७७ चैत्र २३ गते नगरपालिका र संस्था विच यो परियोजनामा सम्झौता भएको हो। यो सम्झौता स्मार्ट पालिकाको प्रमुख कार्यकारी अधिकृत मनोज भट्टराई र चाँगुनारायण नगर प्रमुख सोम प्रसाद मिश्र बिच सम्पन्न भएको हो।  

डिजिटल प्रोफाइल र मोबाईल एप्ससँग स्मार्ट पालिकाको एकीकृत सुशासन प्रणाली (इआरपि सिस्टम) पनि तयार गरी आहिलेसम्मका सबै सिस्टम र भविष्यमा आउने अरु सिस्टमहरुलाई पनि एउटै प्लेटफर्ममा एकीकृत गर्ने निर्णय पनि यस कार्यक्रममा भएको थियो।

इपिआर प्रयोग गरी चाँगुनारायण नगरपालिकाले एक द्धारप्रणाली कार्यान्वयन गर्ने तयारी गरिरहेको जनाएको छ । डिजिटल प्रोफाइलले स्थानीय तहमा व्यक्तिगत, घरधुरी, व्यापार, सेवा र सुविधाहरूबारे विस्तृत जानकारी र डाटा प्रदान गर्नेछ । यो प्रणालीले स्थानीय सरकारलाई योजनाहरु बनाउन, महत्वपूर्ण निर्णयहरु लिन र आफ्नो क्षेत्रको विकास कार्यहरु गर्नमा ठूलो सहयोग पुग्ने विस्वास लिएको छ । 

डिजिटल प्रोफाइल तयार भए पछि नगरले यसको प्रयोग गरी आफ्नो वर्तमान अवस्था थाहा पाउनुको साथै नगरको भविष्यको योजनाहरु बनाउन सहज हुने विस्वास नगरपालिकाले लिएको छ । स्मार्ट मोबाईल एप्स मार्फत सेवाग्राहीको गुनासो, हेल्लो मेयर प्रयोग गरी आफ्नो नगर प्रमुखसँग र जन गुनासोबाट उप–प्रमुखसँग सिधा कुराकानी र गुनासो राख्न सकिने छ। त्यसैगरी नागरिक वडापत्र, नगरमा चलिरहेका परियोजना, आकस्मिक सेवाहरुको विवरण, वडाहरुको विवरण, सुचना–समाचार लगायत डिजिटल प्रोफाइलको सामान्य विवरणहरु पनि मोबाईल एप्सद्वारा हेर्न सकिन्छ।