मोटरसाइकल दुर्घटना हुँदा एक जनाको मृत्यु
८ फागुन, मकवानपुर । जिल्लाको हेटौंडा उपमहानगरपालिका- ८ कमानेमा गए राति मोटरसाइकल दुर्घटना हुँदा एक जनाको मृत्यु भएको छ। मृत्यु हुनेमा मोटरसाइकल चालक स्थानीय २५ वर्षीय विक्रम वाईबा रहेका छन्।
गम्भीर घाइते भएका उनको उपचारका क्रममा हेटौंडा अस्पतालमा मृत्यु भएको हो।
यस्तै सोही दुर्घटनामा अर्का एक जना घाइते भएका छन्। घाइते भएका मोटरसाइकलमा पछाडि सवार ३१ वर्षीय रमेश बलको सोही अस्पतालमा उपचार भइरहेको छ।
गए राति सवा १ बजे कमानेबाट क्याम्पडाँडातर्फ आउदै गरेको ना६३प ७४२ नम्बरको मोटरसाइकल अनियन्त्रित भई पल्टिएको वडा प्रहरी कार्यालय हेटौंडाले जनाएको छ।
प्रतिक्रिया दिनुहोस्