मकवानपुरमा स्कुल बससहित ४ सवारी आपसमा ठोक्किए,विद्यार्थीसहित एक दर्जन घाइते
२३ साउन, हेटौंडा । मकवानपुरमा स्कुल बससहित ४ सवारी एक आपसमा ठोक्किएका छन् ।
पूर्व पश्चिम राजमार्ग अन्तर्गत हेटौंडा- १५ रागोमाटे क्षेत्रमा स्कुलसहित ४ सवारी एक आपसमा ठाेक्किँदा एक दर्जन बढी घाइते भएका छन्।
घाइते मध्ये केही हेटौंडाको रिलायन्स स्कुलका विद्यार्थी पनि रहेको प्रहरीले जनाएको छ ।
सुरुमा कार र ट्याङ्कर ठोक्किएर दुर्घटना भएकाे र त्यसपछि नजिकै रहेका ट्र्क र स्कुल बस ठोक्किएको थियाे ।
दुर्घटनामा घाइते भएकाहरुलाई हेटौंडा अस्पतालमा लगिएको छ । दुर्घटनामा घाइते भएका बालबालिका त्रसित छन् ।
साढे ९ बजेतिर सवारीहरु एकाआपसमा ठोक्किएको र उद्दार कार्य जारी रहेको जिल्ला प्रहरी कार्यालय मकवानपुरका प्रहरी प्रवक्ता टेकबहादुर कार्कीले बताए ।
उनले भने,‘४ वटा सवारी ठोक्किएका छन् । १५ जना सामान्य घाइते भएका छन् । मानवीय क्षति भएको छैन ।’
प्रतिक्रिया दिनुहोस्