बिहारस्थित रक्सौलको इँटाभट्टामा चिम्नी बिष्फोट, ६ जनाको मृत्यु, २० जना बेपत्ता
८ पुस, नयाँ दिल्ली । भारतको बिहारस्थित रक्सौलको एक इँटाभट्टामा चिम्नी बिष्फोट हुँदा ६ जनाको मृत्यु भएको छ। ६ जना घाइते भएका छन्।
साथै २० जना बेपत्ता भएका छन्। बिष्फोटको घटनापछि प्रहरी र दमकल त्यहाँ पुगेको छ। शुक्रबार साँझ रक्सौल सबडिभिजनको रामगढवाको नारिगिरमा इँटाभट्टामा आगो लगाउने क्रममा चिम्नी बिष्फोट भएको थियो।
यसमा यसका मालिक पनि परेका छन्। अहिले त्यहाँ फसेकाको उद्धार गरेर एसआरपी अस्पतालमा पुर्याइएको छ।
जानकारी अनुसार चिम्नीको वरिपरि ५० जना मानिस रहेको आशंका गरिएको भारतीय सञ्चारमाध्यमले उल्लेख गरेका छन्। यसकारण मृतकको संख्या बढ्न सक्ने आशंका छ।
प्रतिक्रिया दिनुहोस्