नेपालीहरुको भान्सा अत्यधिक महंगिएको छ। पछिल्लो एक वर्षमा दैनिक अत्यावश्यक खाद्यान्न तथा तरकारीमा उच्च मूल्यवृद्धि भएको हो।

दैनिक चाहिने दाल, चामल, चिनी, तेल, तरकारीदेखि फलफूलसम्मको मूल्य उच्च हुँदा न्यून, मध्यम र तल्लो वर्गका नेपाली मारमा परेका छन्। 

गत वर्ष २०८२ को चाडपर्वको सिजन सुरु हुनुअघिभन्दा यो वर्ष २०८३ को सोही अवधिमा खाद्यान्न तथा तरकारीमा दुई गुणाभन्दा बढी मूल्यवृद्धि भएको छ। 

२०८२ असोज १ मा ३६ रुपैयाँ प्रतिकिलो रहेको सुकेको प्याज चालू वर्षको सोही अवधिमा ८९.५० रुपैयाँ प्रतिकिलो पुगेको कालीमाटी फलफूल तथा तरकारी बजार विकास समितिको तथ्यांकले देखाएको छ। 

एक वर्षको अवधिमा प्याज प्रतिकिलो ५३.५ रुपैयाँ अर्थात् १४८.६१ प्रतिशतले महंगो भएको छ। त्यसो त प्याज मात्र नभई अन्य तरकारी तथा दैनिक आवश्यक खाद्यान्नको मूल्य पनि अचाक्ली बढेको छ। 

कुनमा कति मूल्य अन्तर?

(कालीमाटी फलफूल तथा तरकारी बजार विकास समिति र नेपाल खुद्रा व्यापार संघको मूल्यसूचीअनुसार गरिएको तुलना)