१ असोज, सुर्खेत । हिमपातले हुम्लाको उत्तरी नाम्खा गाउँपालिकाका लिमी र हिल्सा क्षेत्रलाई सडक सञ्जालबाट अलग पारेको छ । न्यालु र नारा लेकमा साढे तीन फिटसम्म हिउँ जमेपछि असोजको पहिलो सातादेखि लिमीको आवागमन ठप्प छ । सडक बन्द हुँदा अत्यावश्यक कामका लागि समेत स्थानीयले हेलिकप्टर चार्टर गर्नुपर्ने अवस्था आएको छ।

नाम्खा–५ को न्यालु र वडा नं. ६ को नारा लेक हुँदै लिमी प्रवेश गर्ने सडकमा बाक्लो हिउँ जमेको हो। दशैं–तिहार नजिकिँदै गर्दा ताक्लाकोटमा रहेका हुम्लाका स्थानीयलाई घर फर्किनसमेत समस्या भएको लिमी–६ का वडाध्यक्ष पाल्जोर तामाङले बताए।