२९ कात्तिक, काठमाडौं । चुनावी सभालाई सम्बोधन गर्न आज प्रधानमन्त्री एवं नेपाली कांग्रेसका सभापति शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ कर्णाली प्रदेशतिर लागेका छन् ।

देउवा र प्रचण्डले आज कर्णालीका दुई चुनावी सभालाई सम्बोधन गर्ने कार्यक्रम रहेको छ । उनीहरुले मध्यान्ह १२ बजे सुर्खेतको गुर्भाकोट नगरपालिकाको खैरेनी भेरी किनारमा हुने चुनावी आमसभालाई सम्बोधन गर्नेछन् ।

यस्तै दिउँसो १ बजेदेखि दैलेखको दुल्लुमा आयोजित चुनावी सभालाई सम्बोधन गर्ने कार्यक्रम रहेको छ ।

यता, नेकपा एमालेका अध्यक्ष केपी शर्मा ओली भने नागरिक समाज र स्वतन्त्र अगुवाले आज ललितपुरमा गर्ने पैदलयात्रामा सहभागी हुँदै छन् । पैदलयात्रापछि उनले कार्यक्रमलाई सम्बोधन गर्नेछन् ।