मेवालाल यादव 

कार्तिक ४ गते रौतहट 

बौद्धिमाईको इनरवारीमा दुर्गा पूजाको अवसरमा शुभकामना आदानप्रदान तथा उदघाटन कार्यक्रम समपन्न भएको छ। रौतहटको बौद्धिमाई नगरपालिका वडा नं. ४ इनरवारिमा  भइरहेको दुर्गापूजाको अवसरमा रौतहट जिल्लाको चर्चित  पुर्व प्रदेश सांसद रामकिशोर प्र.यादवले बौद्धिमाईको इनरवारीमा एक कार्यक्रम बिच आज फिता काटेर दुर्गा पूजाको उदघाटन गर्नुभएको छ ।

पुर्व प्रदेश सांसद रामकिशोर प्र.यादवले बौद्धिमाईको इनरवारीको  सम्पूर्ण जनता जनार्दनमा हिन्दुहरूको महान पर्व बिजयादशमी,शुभदीपावली तथा आस्थाको पर्व छठ पर्वको शुभकामना दिदै सम्पूर्ण जन समुदायको सुख शान्ति समृद्धि एवं उत्तरोत्तर प्रगतिको कामना गर्नुभएको छ।दुर्गा पूजाको आज परेको सातौ दिन फुलपाती अर्थात दुर्गा भवानीको मुख खोल्ने दिनको अवसरमा पुर्व प्रदेश सांसद रामकिशोर प्र.यादवले बौद्धिमाईको इनरवारीमा एक कार्यक्रम बीच दुर्गा भवानीले जनताको सबै दुःख, कष्ट र पीड़ाहरु हरुन र दुर्गा भवानीको पूजा गर्दै प्रार्थना गर्नुभएको छ।आफ्ना जनता जनार्दनको सुख दुःख तथा सामाजिक सेवामा हरदम समर्पित पुर्व प्रदेश सांसद रामकिशोर प्र.यादवले   बिगतको बर्ष पनि  इनरवारीमा भएको दुर्गापूजालाई उदघाटन गर्दै आर्थिक सहयोग समेत गरेका थिए।

पुर्व प्रदेश सांसद.यादवले   गरेका यी सराहनीय कार्याहरुले गर्दा स्थानीय गाउँ बासी खुशी ब्यक्त गर्दै आफूहरुले खोजेको जस्तो पुर्व प्रदेश सांसद.यादव हुन भन्ने प्रसंशा समेत गरेका छन। सम्पन्न कार्यक्रममा  जसपा नेपालको केन्द्रिय सदस्य बिवेक यादव ,समाजसेवी तथा वडा अध्यक्ष प्रत्याशी  सिकेन्द्र यादव, पुर्व वडा अध्यक्ष हिर्देनारायण यादव  , वडा अध्यक्ष मनिभुशण साह , युवा समाजसेवी नेता मो. मोतिम हासमी , ओम यादव , प्रमोद यादव , राजकुमार पटेल , स्थानीय बुद्धिजीवी, राजनीतिक कार्यकर्ता, सुरक्षाकर्मी,संचारकर्मी लगायत सैकड़ौ श्रद्धालु भक्तजनहरुको उपस्थिति रहेको थियो।